.....Dulu Za Akui Ko, Skarang Zabar Dulu......

9 Desember 2008

Isi Hati

Sa lg bingung ni dengan sa pu hati..
Sa tra mengerti dengan sa pu perasaan ni
Perasaan yang dari empat tahun lalu sampe sekarang ni tra pernah berubah
Sa masih menaruh harapan sama ko.
Tapi kenapa ko tra kasih sa kepastian yang jelas supaya sa mangarti
Kenapa ko tega mainkan sa perasaan ka…
Kenapa ko tra kasih sa kesempatan untuk lebih mengerti ko maksud..
Ko tra pernah kasih sa penjelasan apa-apa
Trus sa harus menunggu, begitu ka???
Sa harus tunggu sampe ko su dapat oranglain yang lebih dari sa??
Begitu ka yang ko mau??
Sampe kapan??? Sampe 5 tahun lagi, 10 taon lagi…
Ko jahat sekali ka sama sa….
Tolong ka… bantu sa untuk dapat jawabannya
Sa su capek menunggu dan menunggu
Su banyak air mata dan sebagian sa pu isi pikiran hanya untuk ko
Hanya untuk ko yang tra pasti
Memang ko pernah bilang, kalau masa depan kita tra ada yang tau..
Tapi setidaknya, ko su punya gambaran kemana arah ko pu masa depan.
Mo diarahkan ke mana…
Apa yang kita lakukan sekarang kan akan menentukan masa depan kita to.
Sa cuma butuh satu, kepastian. Dan itu cukup bagi sa…
Satu hal yang ko harus ingat,
Apa yang kita tabur saat ini, akan kita tuai sendiri nantinya…

1 komentar:

Phaul_Hgr mengatakan...

Boooo...de pu kata2 saja....ada yang pernah .....di sist pu hati kaaapaaaa.....